Xaaladda waxbarasho ee Gobolka Oodwayne

(oodweynenews 10/02/08)

Oodweyne Waxa soo if baxday Xaaladda Waxbarasho ee Degmada Oodweyne taasi oo lagu tilmaamay inay tahay mid Heer sare ah, Magaalada Oodweyne waxa ka Furan duygsiyo kala duwan Dugsi Hoose dhexe iyo Dugiga sare kaasi oo ay wax ka bartaan dhamaan Dhalinta Deegaanka, Dugsigaasi ayaa waxa uu ku baxaa Luqadda Carabiga sida ay sheegeen Maamulka Iskuulka.

Iskuulkaasi ayaa waxa la sheegay inay dhigtaan Arday fara badan kuwaasi oo isugu jira Wiilal iyo Gabdho. Maamulka Iskuulka Hoose dhexe ayaa sheegay inay hawsha Iskuulku ay meel wacan marayso isaga oo farta ku fiiqay inaanay wax taakulayn ah ka helin dhamaan Hay"addaah waxbarashada Daneeya oo ay ka sugayeen macaawino.

Maamulka ayaa waxa kaloo uu sheegay inay dhawaan soo Gebagebeeyeen Xaflad loo qabtay Ardayda Iskuulka taasi oo Ujeedkeedu ahaa inay Abaal barin lagu siiyo Ardayda ka Baasta Intxiaanka Dhexe ama loo Yaqaan Term-ka.

Degmada Oodweyne ayaa waxa lagu tiriyaa inay safka hore kaga jirto xaga waxbarashada ee gobolka togdheer. Degmada Oodweyne ayaa waxa ay sheegeen dadka Deegaanu inuu yahay mid Aqoonta halkaasi lagu dhigaa ay tahay mid Loo bogay oo dhabaan soo jiidatay dad waynaha Deegaanka.

Macalimiinta Iskuulka kuwaasi oo ku bays-garysan heerka macalinnimo oo ah kuwa loo Tababaray inay dhigaan Iskuulada,taasina waxay sahlaysaa inay Ardayda iyo Macalimiintu Isla jaan qaadaan.