OODWAYNE TECHNICAL AND TECHNOLOGY INSTITUTE

www.oodwayne.blogspot.com

Asalaamu Calaykum Warahmatulaahi Wabarakaatuh

Waxaan ilaahay ugu xamdi naqaynaa caafimaadka, barwaaqada, iyo caqliga inaan ku kala saarno xume iyo samaan isagaana allahu ku manaystay umaddiisa.
“Qinatal xayaat,,, Al Saha”. Nimco ka badan oo ilaahay la waydiistaa ma jirto iyo danbi dhaaf iyo ciibadadiisa oo la xejiyo. Guud ahaana nimcada kala duwan ee deeq bixiyo isaga mooyaane cid kale bixin awoodeedana isaga mooyaane cid kale lahayn. Alxamdu Lillahi Rabbil Caalamiin.
Waxaan haddaba wax yar ka taabanayaa qoraalkan oo ah gogol dhigga Machadka Farsamada gacanta iyo Teknoolajiga oo insha allaah haddii alle inagu simo aanu ku talo jirno in laga furo degmada Oodwayne sannadkan bilihiisa soo socda. Waxaana lagu sii meel gaadhsiin doonaa inuu gaadho heer qaabili doona arday wax ka barata oo ku takhasusa shaqooyinka iyo xirfadaha farsamada gacanta iyo Teknoolajiga sida Computers ka qaybo kala duwan oo la xidhiidha naqshadaha iyo Software applications loo isticmaalo warshadaha yaryar. Machadkani waa kii dabooli lahaa baahida xirfad la’aanta wayn ee ka jirta dalka.
Jaamacadaha Dalka oo ay ka soo baxaan arday aad u farabadan kana heli karayn shaqooyinkii ay qaban lahaayeen, waxaa halkaa soo foodsaartay ardayda inaysan wax xirfadi inaba aysan wadan oo daboosha inay shaqooyin kale oo ku sii meel gaadhaan ay helaan ama fursaddaba helaan. Waxaanu qorshaha dhow maalgalin ku samayn doonaa qalabaynta iyo bilowga Machadkani inuu noqdo kii ardayda heerka dugsiga sare loogu dari lahaa qaarkood inay ku takhasusaan Teknoolajiga ka dibna shahaadaddii heer jaamacadeed ay ku qaadan lahaayeen Computerska waxa loo yaqaano Distance Learning oo ah ardaygu inuu ku qaato duruusta degaanka uu joogo imtixaankana ka dhiibo Online Computerka qaarna uu ardaygu Imtixaanka ka dhiibo machadka duruusta IT ga iyo Computerskaba ka qaadan karo shahaadad Gudaha ah iyo mid caalami ah isagoo ka dhoofin dalkiisa hooyo, uguna shaqo tagi karo meel walba oo uu tago adduunka.
Waxaan in yar oo dardar galin ah farriina iga ah ugu baaqayaa in qurbajooga degaanka u dhashay isugu xilqaamaan horumarinta gobolka Oodwayne si loo daboolo baahiyaha ka jira xagga Daryeelka Caafimaadka, Horumarinta Ciyaaraha iyo Dhallinyarada, adeega waxbarashada iyo inay guddida xaruntiisu tahay Abu Dhabi ee dalka imaaraadka loogu diro waxii taakulayn dhaqaale ah ee ay iyagu isku xilqaamay xog ururinta iyo xaqiiq raadinta inay soo ogaadaan waxii baahi jirta meel looga soo wada jeesto. Degaanka gobolkuna la jaan qaado Gobolada kale iyo sida isku duubnaanta leh ee ay u taakuleeyaan dadkooda iyo degaankoodaba.
Dedaalka iyo qorshaha inuu furmo machadkani waxaa ay bilaabantay bishii November ee sanadkii 2009, oo aanu ku falanqaynay sida degaanku ugu baahan yahay Machadka farsamada gacanta iyo Teknoolajiga ardayda ka soo baxdaana u noqon doonaan kuwa anfaca dadkooda iyo dalkoodaba.

Wa Billahi Towfiiq
Cabdinasir Maxamed Cabdille Sigis
Qorashaha Taakuleynta Horumarinta Oodwayne

XAFLADDII SANNAD GUURADA KOOWAAD EE URURKA DHALLINYARADA ODAWO

oodwayne.blogspot.com

Xafladdan ooahayd mid si heersare ah loo soo agaasimey, waxaa ka soo qayb galay madaxda gobolka daadmadheedh iyo xildhibaano ka soo jeeda degaanka.

waxaa lagu xusayey xafladdan sannad guuradii koowaad ee ka soo wareegtay aasaaskii ururka Oodweyne development association and welfare organization (ODAWO).ururkan dhallinyaradu ka sameeyeen iyo arrimaha wanaagsan ee ka hirgaliyeenba waxaa lagu soo qaaday xafladdan oo uu furay hadalka badhasaabka Gobolka Daadmadheedh Maxamed Cabdi Liibaan oo faahfaahin ka bixiyey sida wacan ee ururkani uga shaqeeyeen Horumarinta arrimaha bulashada iyo adeega degmada oo ay ka suurto galiyeen waxqabad lagu diirsan karo, waxaa uu ugu baaqay shacbigana inay la shaqeeyaan oo u suurto galiyaan guntigana ugu adkaystaan wax allaale waxii ka shaqaynaya horumarka gaar ahaan degaanka oodweyne iyo guud ahaan ka Gobolka Daadmadheedh.

waxaa ka sii qaatay hadalkii halkaa guddoomiyaha Ururka Odawo mudane cabdi xakiin nuur (Quule) oo si faahfaahsan uga warbixiyey waxqabadka ururka waxii u suurto galay waxa u dhiman ee higsanayaanba muddadii sannadka ahayd ee uu jiray ururkani, waxaa kaloo uu aad u qeexay sida isku duubnaanta leh ee reer oodweyne ugu soo jeesteen inay horumariyaan degaankooda walow ay wax badan u hadheen shaqo baaxad weyn lihina hortaalo, ilaahaybayna la kaashadeen sidii hawshan loogu soo dhamaystiri lahaa muddo dhow si gobolku u gaadho horumar ka dhamays tiran hawlaha iyo adeega bulshada guud ahaanba. waxaa lagu soo gabo gabeeyey waji aad u qurux badan oo loo riyaaqay.

www.oodwayne.blogspot.com

Oodwayne Waa balad Wanaag iyo Qurux lagu Manaystee

HEESTANI WAA GOBOLKA Oodwayne.
Waxaa Curiyey Midhaha heestan Abwaan Cabdillahi Xasan Mataan


Oodwayne waa balad
Wanaagiyo qurux lagu manaystoo
Bulsho wacani joogtoo
Barashada tacliintuna waa baaxad weynoo
Ilaaha raxmaankoow balaayada hareer mari
Oo ka dhig meel barwaaqo ah

Bulsho weynta maantaay
Ma ogtihiin dhammaantiin
Xamar kii ka baaqiyo
Baladweyn dusheediyo
Boosaaso iyo bari
Badhtamaha hargaysiyo
Burco dacaladeediyo
Bulshadeena maydhiyo
Inta sheekha dhex joogtiyo
Go da daris wanaagiyo
Sool iyo sanaagiyo
Badhan macallin joogiyo
Baraa ceerigaabiyo
Dhulka beeralaydiyo
Ilamaa beer iyo wabi
Waa halkay ka beermeen
Waa gobol barwaaqiyo
Daadmadheedh bulshadu tidhi





Oodwyne waa balad
Wanaagiyo qurux lagu manaystoo
Bulsho wacani joogtoo
Barashada tacliintana waa baaxadweynoo
Ilaaha raxmaankoow balaayada hareer mari
Oo ka dhig meel barwaaqo ah

Barbaartii dadkaygaay
Aan idiin bidhaanshee
Bilan waxaad tidhaahdaa
Oodwayne waa bayd
waa barta lagu kulmaayee
Tacliinta lagu bartaayee
Wanaag lagu barbaarshee
Buugga iyo tacliintii
Barbaartii waa halkaad ka baratee
Beerka iyo wadnaha geli
Ana ii bushaaree nimcada iyo badhaadhaha
Adiguna bilk hayr noqo.


Oodwayne waa balad
Wanaagiyo qurux lagu manaystoo
Bulsho wacani joogtoo
Barshada tacliintana
Waa baaxad waynoo
Ilaha raxmaankoow
Belaayada hareer mari
Oo ka dhig meel barwaaqo ah.

HEESTANI WAA Heesta
GOBOLKA Oodwayne

Qorshaha Taakulaynta Horumarinta Oodwayne

Qorshaha Taakulaynta Horumarinta Oodwayne
Oodwayne Development Assistance Program

Oodwayne.blogspot.com
15-1-10
Asalaamu calaykum dhamaan Akhristayaasha qoraalkan aan rabo inaan in yar oo dhiiri galin ah ku taageero dhallinyarada mustaqbalka degaanka Oodwayne iyo shacbiwaynaha daneeya horumarinta, inaan waxyar ka taabto waxa muhiimka ah ee khuseeya nolosha mujtamaca kana qayb qaata aasaaska bulsho ka caafimaad qabta dhibaatooyinka baahida oo iyadu saamayn wayn ku reebta geeddi socodka nolosha ee qofka. Haddaba iyadoo markeeda hore qof waliba jecel yahay wax qabad uu ku higsanayo aayatiin wacan iyo horusocod meeshuu kaga hagaagi lahaa kana higsan lahaa inuu mustaqbal wacan ku heli lahaa degaankiisa, isaga oo meelna uga haajirin wadankiisa iyo dadkiisa.
‘ Maal adduun waxa uu qiimo iyo magacba ku leeyahay meel lagaa yaqaan’.
Waxaan u guda galayaa mawduucan aan ku soo qaatay ee degaanka Oodweyne iyo qorshihiisa horumarinta waa sidaan qabo ama ku talin lahaa shakhsiyan aniga oo daba socda weriyaha cabdishakuur heersare warbixinta wanaagsanayd ee
ku salaysnayd xaqiiqda dhabta ah iyo waxa ka jira degaanka baahiyo iyo waddadii lagaga bixi lahaa iyadoo siduu sheegay ay u soo tafa xayteen hay’ado caalami ah iyo wasaaradda Arrimaha gudaha iyo waliba wasaaradda Qorshaynta oo iyadu keentay mashaariicda lix da degmo lagu horumarinayo. Waxaa xaqiiqdii anigoo warka sidaan u qabo ay jiraan ballan qaadyo, haddana waligeed mashruuc 100% u taabo qaada sidii loogu talogalay oo ay hay’ado fulinayaan waxaan qabaa inuu yahay hal bacaad lagu lisay oo barako ma yeesho. Waxaan odhan lahaa waa in Qurba jooga degaanka oo guddidiisa wayn ee deggan dalka imaaraadku inay xoojiyaan dedaalka iyo horumarinta, waxaan kula talinlahaa in xidhiidhka la adkeeyo meel fiican bay ka qaadeen oo iskuulka sare iyagaa suurto galiyey inuu furmo taageero qurba joogna way ahayd miisaaniyadda ugu badani, waxaan leeyahay ooku adkaynayaa Oodwayne waxay u baahan tahay iskuulkii farsamada gacanta oo dalkii markuu wada jaamacad noqday shaqooyina aysan jirin xaalkuna sidan soo dhaafaynin in la maalgaliyo
*Iskuulada farsamada gacanta iyo tiknoolojiyada oo kabta shaqooyinka gacanta sida warshadaynta mustaqbalka jiilkii la jaan qaadi lahaa aqoonteedana u lahaana magac ku sheegtaan Oodwayne Technical Institute OTI Machadka Farsamada Gacanta ee Oodwayne.
*Xagga caafimaadka waa midaan laga fursanayn inay xoogga saaraan dhismaha cisbitaalka Guud ee Oodwayne oo ay hoos yimaadaan in ka badan 50 tuulo
Oo u baahan haqabtirka baahida caafimaadka xarumaha Gargaarka Caafimaadka Medical Health Center (MHC).
Kaasina waa sanduuq joogto loo bixiyo gudaha iyo dibada inta laga gaadhsiinayo heer lagu maamulo, oo sii taaba qaada gaadhsiiyana heer uu ismaamuli karo cisbitaalka iyo xarumaha hoos yimaadaa.
*Quba joogta North America oo midaysan iyo Yurub kaalinta ugu wayn ka qaata deeq bixinta imika hala bilaabo ha ugu horrayso reer Oodwayne deeq bixintu kama liitaan qurba joogta kale ee u dhashay gobolada kale ee Somaliland ee intaa u soo dedaalaya siday tacliin iyo caafimaadba horumar wacan uga gaadhsiin lahaayeen degaankooda, waayo dawladda waxaan ka sugaa waa waxaan qabsaday markay aragto inay kaalin ka geysato ee aanan uga sugin wax tar
Somalidaa ku maah maahda “nin baahan nin buka waxba looguma dhiibo”.
Wasiir aan waxar u dhiibanayaa ma jirayo oo majaraha igu koraa maanta horaan uga heli lahaa maalinta uu ii baahdona waan soo dhawayn oo marti sharaf dheh.
Runta ilaahay markaan ka hadlo aniga oo aan mucaarad iyo muxaafad midna geeska saarayn inaan sannad aan ku noolaa Somaliland cilmiga aan ka soo qaatay yahay ISKAA WAX U QABSO ayaa horumarkaagu ku xidhan yahay ee “ninkii dedaalaa xaaji cabbaasna waa gaadhi karaa waana dhhafi karaa”.
Gobolka ilaahay ku manaystay Beerihii Xoolihii Daaqii Biyihii Togaggii iyo Dooxooyin meelaad ka marto lahayn ee haddana baahida uu ka soo warramay wariyuhu caloosha ku wareejinayso, waa mid subxaana allee reer Oodwaynow fadhiga ka kaca. Waxaa jirtay taariikh hore oo ahayd markii calanka la qaatay Lixdankii sanado yar ka bacdi ayaa Guddoomiyihii gobolka Togdheer u yimi xaqiiq raadin bal waxay u baahan yihiin reer Oodwayne, wuxuu ka dhagaystoba nin walbaana hadalyoo wax sheeg waxay isugu biyo shubatay beerihii ayax baa gamta u joogsaday waxaanu kaloo uga taag la’nahay shimbiro oo hadhuudhkii aanu beernoba waxyar mooyaane waxba noogama soo baxaan. Waxaa la gudbiyey baahida reer Oodwayne soo qorteen waxaa laga joogay dhawr bilood waxaa timi diyaaraddii ayaxa oo ku soo degtay meel bannaan ah oo ka baxsan magaalada nin maalintii joogay shirkii ayaa soo cararay oo intuu soo galay magaaladii ‘ waar maantay ugu daran tahay ka soo kaca ninkii aan ku nidhi shimbiraa beerihii naga madhiyey waxaa uu soo diray tii ugu waynayd shimbiraha ee kaalaya oo ila shiida’.
Waxaan si fiican intaa dhextaalka uga dhigtay waa maanta hala taageero horumarinta Gobolka heer Ganacsi kobcinta ganacsiyada yaryar oo ah soo jiidashada degaanka iyo macaamiisha, caafimaadka, Waxbarashada aasaaska hoose ilaa farsamdii gacanta haddii dawladu shimbirtaa wayn keentana yaan la shiidineh soo dhaweeya, haddii maalgalin qurbajoog iyo mid hay’adeed la keenana sii Kobciya iyadaa taaba qaadi doonta guddida odayaasha iyo waxgaradkuna haku midoobeen Guddida Horumarinta ee Qorshaha Taakulaynta Horumarinta Oodwayne waxaan ka ballan qaadaynaa inaan si hagar la’aan ah ugu soo deeqi doono wax tar la taaban karo oo keena horumarka ay higsanayaan reer Oodwayne. Harooyinkii Biyo qabadka noqon lahaa waa ku Hodan iyo Laydhka laga dhaliyo hawada oo uu yahay Bananka Koonfur Galbeed ilaa bari waa ka ugu wax soo saarka badan isaga iyo ka saraar ,,,,,,,,,,, “Banka Tuuyo”.
Laydh iyo Biyo,
Beero iyo Seero
Banka Tuuyo iyo
Baaxadwayna beerato
Bash bash iyo barwaaqo
intaasuba waa barakee
Bilkhayr dhaha
beesha daadmadheedhow

Wa salaamu Calaykum
Wa billaahi Towfiiq.
Cabdinaasir M Cabdilleh (Six)
Toronto, Kanada.
www.oodwayne.blogspot.com

Taageeridda Baajinta Shirka Horumarinta Beesha H Y

Oodweyne.blogspot.com
09/01/10
Taageeridda Baajinta Shirka Horumarinta Beelaha H Y

ASALAAMU ALAYYKUM WARAHMATULLAHI WABARAKATUH.

Salaantaa ka bacdi waxaan u mahadnaqaynaa golaha guurtida iyo odayaasha Habar Yoonis ee Togdheer markii ay kawada xaajoodeen isla meel dhigeena inaanay suurtagal ahayn in si kadis ah iyadoo loo soo shaaciyey muddo gaabana ay ahayd in la qabto shirkaasi. Inaysan suurto gal u ahayn sababo dhawr ah oo ku gedaaman inuu shirkani qabsoomo, waxaana ugu sii wayn inaysan suurto gal ahayn in martidii qurba joogta ahayd wada iman karaynin waqtigaas degdega ah
ee la soo sheegay inay muhiim tahay in si wacan looga sii tabaabushaysto.

Arrimaha la doonayo inla suurto galiyo horena looga sii anba qaado in guddida gudaha joogaa ajenda u samaystaan iyadoo wax bilaabmeen laga sii xoojiyo oo taageero maskax iyo maalba loo huro mashaariicda lana fuliyo qaybaha ay suurto galin karaan ee horumarineed sida waddada oo lasii xaadho grader la shaqo galiyo sanduuqana laga maalgaliyo shaqadaas.

Haddaba haddaan sida wanaagsan ee loo soo gorfeeyey inaysan waqtigan ku suurto galayn waxaan aad ugu mahad celinaynaa Golaha guurtida Habar Yoonis
Hambalyo iyo bogaadina u soo diraynaa sida ay isugu xilqaameen inaan laab la kac caadifiyad leh loogu degdegin shirka oo ay xilligan ku gedaaman tahay duruufo badan oo si yar u burburin kara inay maanta karaamadii iyo magacii reerka lagu waayo waxaan natiijo ka soo baxaynin oo khalkhal geliya beesha.

Waa ilaahay mahadiis waxaanu u sii tabaabushaysanay inaan heer dhaqaale sanduuq ah oo khuseeya Dekadda Maydh u samayno inta maalgalin wayn oo Dekad shub ah laga gaadhi doono. waxaan gacanta ku haynaa dekadaha loo yaqaan DOCKPORTS oo sida ganacsiga yaryar ee bagaashka iyo rarista xoolaha iyo qalabka guud ee ganacsiga suurto galiya waana ta aanu ku wadno inla keeno Maydh oo bilaabi ddonta shaqadeeda. Guddida iyo Guurtiduna haka wada xaajoodaan sii bilowga waddada Burco ilaa Hargaysa ee marta degmada Oodweyne si loogu soo celiyo Magacii taariikhiga ahaa iyo degaankii shacbiyadda badnaa ee degaanka Oodweyne iyo beerato, ayna maal gashadaan Tujaarta iyo Qurba joogga u dhashay degaanka Daad madheedh iyo ganacsatada kale ee maalgashi danaynaya waxii dantoodu ugu jirto.

Waxay ahayd Oodweyne waa layaqaan nin aan aqoona loo sheegi maayo waa tii ay ka soo baxeen waxbarashdeeda iskuulka sare,,, maanta raggii u abaal gudi lahaana way ka seexdeen, ilaahay baa gargaarka leh waxaa haddaba waqtigan suurto galinaysaa taariikhdu iyadaa isa soo celcelisee kontii sanaba mar, inay haddii alle idmo degaanka Oodwayne iyo tuulooyinka hoos yimaada oo konton ku dhow ay noqon doonaan mustaqbalka dhaw meelaha ugu wacan oo ka haqab tirmay adeega Waxbarashada, Caafimaadka, Beeraha, Wax soosaarka warshadaha yaryar, Biyaha iyo Laydhka waana xudunta ganacsiga hawd ilaa xeebaha dalak bari iyo galbeedba isku xidhi lahayd.

Astaanteeda loo yaqaan ee Daadmadheedhna runtii ay tahay xeradii togagga caqli iyo maal haddii la galiyana ay u raaci doonto waabkii harooyinka Daadmadheedh adduunkuna waxaa uu hore ugu maray waa dhaqaale soo jiita ganacsiga yaryar iyo shacbi weyn oo ah ka isticmaalka adeega bulshada oo dhamaystiran "Consumer & Service".

Wadadii Burco - Oodwayne - Hargaysa ,,,,,,,, iyo tii Oodayne ku xidhi lahayd laamiga xagga Berbera waxay suurto galinaysaa inay Oodweyne noqoto Xuddunta isku xidha Somaliland ( The Heart of All ) .

Inaanu qorshahayagu ku dhicin ceel waanu u mahad naqaynaa Guddida iyo Golaha Guurtidaba ilaahay baa idin waafajiyey talowanaag waana idiinku mahadiney

Wallahu Waliyu Towfiiq.

Cabdinasir M Cabdille Six
Toronto, Canada