(Hadhwanaagnews) Hargeysa(HWN):- Gudoomiyaha Komiishanka Doorashooyinka Qaranka Md. Maxamed Aw Yuusuf Axmed ayaa iska Casilay Xilkii Gudoomiyanimada gudida Doorashooyinka, isaga la sheegay inuu ku sababeeyey iscasilaadiisa sabab Caafimaad Awgeed.
Sida waxa Shabakada Wararka ee Hadhwanaagnews.com u Xaqiijiyey Gudoomiyaha Gudida doorashooyinka Maxamed Aw Yuusuf Axmed oo aanu Caawa Khadka Mobile-ka gacanta kula xidhiidhnay isaga oo joogay wakhtigaa aqalkiisa.
Ilaa imika ma kala cada inuu Xilka gudoomiyaha Gudida doorashooyinka qaranka uu ka dagidoono, iyo inuu guud ahaan xilkaa iyo xubinimadaba gudida doorashooyinka dhamaanteedba iska casilidoono.
Sidoo kale waxa uu Gudoomiyuhu Cadeeyey inuu maalinta Sabtida ah uu qabandoono Shirjaraa’id oo ku shaacinayo iscasilaadiisa, laakinse uu ka gaabsaday inuu arrintaa wax tafaasiil oo dheeraada ka bixiyo.
“Taa imika faalo kaa siin kari maayo, laakin maalinta sabtida ha la gaadho haddii Ilaahay idmo” ayuu yidhi Maxamed Aw Yuusuf Axmed.
Dhinaca kale Siyada ay sheegayaan Warar Xog-ogaala oo ka ag dhow Gudoomiyaha Gudida doorashooyinka Qaranka Maxamed Aw Yuusuf Axmed ayaa sheegaya inay iscasilaadiisu la xidhiidho sababo Caafimaaad Awgeed.
Si kastaba ha ahaatee, arrintan ayaa ku soo beegantay iyada todobadii Xubnood ee Gudida doorashooyinka qaranka mid ka midi Xubinimadiisu muran ka taagan yahay, isla mar ahaanta la soo saaray gudi sii naaqishta khilaafkaasi, kaas oo ahaa Axmed Maxamed Xaaji oo ahaa Xubintii uu soo Magacaabay Xisbiga Mucaaridka ah ee UCID gudida doorashooyinka.
Iyo Sidoo kale Xisbiga Mucaaridka ah ee KULMIYE oo Walaac weyn oo laxaad leh ka muujiyey qabsoomida Xiligii loogu talagalay doorashooyinka inagu soo fooda leh.
Iscasilaada gudoomiyaha Komishinka, ayaa ku soo beegantay xili labada Xisbi mucaarid ee KULMIYE iyo UCID, ay sharci darro ku tilmaameen liisaskii xubnaha komishinka iyo gudiyada diwaan gelinta ee degmooyin ka mid ah Gobolada Awdal, Saaxil iyo Hargeysa, oo dhawaan uu gudoomiyaha Komishinku soo saaray
Hadhwanaagnews.com/Office
Hargeysa/Somaliland.
Subscribe to:
Post Comments (Atom)
No comments:
Post a Comment