Tababar Xirfadaha Ceelasha iyo Baraagaha oo loo Xidhay 27 Xubnood Gobolka Togdheer

Togdheer(Togdheernews..15March)

Todoba iyo labaatan xubnood oo tababar xirfadeed ku saaban samaynta ceelasha iyo berkadaha oo uga socday mudo shan iyo tobon maalmood ah Tuulada Higlo oo ka tirsan degmada Qoryaale ee G/togdheer ayaa shalay loo soo gabagbeeyay

Munaasibadii xidhitaanka tababarkaa ayaa waxa ka hadlay Axmed Xuseen Soodaani,oo ah gudoomiyaha Hayada wadaniga Laxmar waxaanu sheegay in ujedada tababarkani yahay mid kor loogu qaadayo tayada xirfada wastaadinta ee dhinaca ceelasha iyo berkadaha degaanka togdheer “Muhiimadu waxa weeye in kor u qaadida farsamada wastaadiinata ee samaysa ceelasha iyo berkadaha biyaha si,loo helo kuwo waxtar iyo faaiido u yeesha bulshada”Ayuu Yidhi.

Waxa uu intaas ku daray in xubnahani tababarka ku qaateen sadex ceel oo loo sameeyay dadweynaha tuuladaas iyo berkad loo dhisay ardayada dugsiga tuulada.


Maxamed Yuusuf,oo ka tirsan Hayada Critas ayaa isugun tilmaamay inay mar walba xooga saraan sidii loo horumarin lahaa fayodhowrka biyaha iyo caafimaadka,islamrkaana xirfad shaqo loogu abuuri lahaa bulshada.

Sidoo kale waxa iyana goobtaas ka hadlay Isuduwaha W/M/Biyaha C/risaaq Maxamed Cajab iyo Axmed Cali cilmi oo ka tirsan Wasaarada Waxbarshada togdheer,kuwaasoo si weyn ugu mahadceliayay Hayada fuliyay tababarkan iyagoo tilmaamay in talaabadani wax weyn u tarayso bulshada degaanka,waxayna kula dardaar meen xubnihii tababarku u xidhmay inay noqdaan kuwo bulshada uga faaiideeya aqoontaa xirfadeed ee la baray.

Xubnahan tababarku u dhamaaday ayaa ka socday sideed tuulo oo ka tirsan degaanka Togdheer,waxaana fulinta tababarkan iska kaashaday Hayada Caritas Switzerland iyo Hayada wadaniga ee Laxmar.


Waxa kale oo iyanaa munaasibadii xidhitaanka ka hadlay xubno ka mida ka qaybgalayaashii tababarkaa kuwaas oo si weyn ugu mahadceliyay hayadii tababarka u qabtay,islamarkana balan qaaday inay si dhaba bulshada uga faaiideyndoonaan aqoontii la baray,C/laahi X.A.Quluumbe oo ka tirsan hayada Laxmar iyo odayaashii tuuladaas ayaa iyguna halkaas ka hadlay.


Hayada Laxmar oo ah hayad wadani ah kana hawlgasha degaanka togdheer,ayaa wax badan ka qabatay horumarinta Caafimaadka,Biyaha,Xoolaha iyo Waxbarshada,mana aha markii koowaad ee ay tababaro noocan ah u qabato dadaweynaha degaanka togdheer.

TogdheerNews