Oodwayne.blogspot.com
Written by Qarannews.
Mar 24, 2008
London,(Qarannews)-Xildhibaan Maxamed Xaji Yusuf (Wabeeyo), ayaa si diiran u soo dhaweeyay magacaabista loo magacaabay degmadii Oodweyne in ay noqoto gobol ka mid ah gobolada Jamhuuriyada Somaliland, xildhibaanka oo warbixin kooban siiyay saxaafda isaga oo ku sugan magaalda London ee dalka Ingriiska xagaasi oo uu dhawaan u yimid hawlo shaqo ayaa waxa uu warbixintiisaasi oo kooban ku sheegay in degmada Oodweyne oo mudo dheer ku hamiyaysay ama doonaysay in ay noqoto gobol ka mid ah gobolada Somaliland ay tahay guul u soo hoyatay gobolka Oodweyne iyo dhamaan dalka oo dhan.
Xildhibaanku wax uu aad ugu dheeraaday qiimaha iyo tariikhda gobolka Oodweyne oo uu sheegay in uu yahay gobol udub dhexaad u ah gobolada dalka oo dhan isla markaasina uu gobolku uu leeyhayay khayraad farobadan iyo dadweyne aad u tiro badan, waxa uu sheegay in gobolka Oodweyne uu Ilahay ku manaystay xoolaha nool iyo beero noockastaba leh.
Mudane Wabeeyo waxa uu ku booriyay dadweyanah gobolka Oodweyne siiba maamulka in ay la yimaadaan dadaal iyo karti lagu hore marinaayo gobolka, waxa uu sheegay in ayna ahayn in ayna dadka gobolku is dhiganin ee waa in ay la yimaadaan dadaal iyo karti dheeraad ah oo gobolka qaybihiisa kala duwan wax soosaarkiisa ay u muujin lahaayeen iyaga oo la kaashanaaya maamulka iyo madaxda gobolka iyo xukumadaba, mana aha ayuu yidhi in inta dib loo fadhiisto la yidhaa gobol ayaanu helnay, ee waxa inoo taala ayuu yidhi wax qabad iyo dadaal, waxa uu sidoo kale uu xusay in ayna gobolnimadu ayna noqon mid afka oo qudhaata ah ee ay yeelato qiimihii iyo wax qabadkii iyo awoodihii uu gobol lahaan jiray.
Maxamed Xaji Yusuf (Wabeeyo) waa xildhibaan ka mid ah xildhibaanada golaha wakiilada Somaliland isla markaasna waa xildhibaanka kaliye ee xisbiga Kulmiye uga soo baxay degmadii la odhan jiray Oodweyne, xildhibaanka oo hada ku sii jeeda Somaliland ayaa waxa uu ka mid ahaa xildhibaano dhawaaan lagu marti qaaday Barlamaanka dalka Ingriiska xagaasi oo ay kulmao iyo wada hadalo kula qaateen xildhibaada dhigoodaha ah ee dalka Ingriiska iyo Walashka, tageeristiisan uu hada taageeraayo Gobolka Odweyne ayaa waxa ay ka danbaysay markii uu shalay madaxweynaha Somaliland uu ku dhawaaqay Lixda gobol iyo 16ka degmo oo cusub oo ay ka mid tahay Degmadii Oodweyne oo hada noqotay gobolka Oodweyne.
Qarannews
London
Subscribe to:
Post Comments (Atom)
No comments:
Post a Comment