Shirkii Ka Dhacay Magaalada Minisota iyo Badheedhihii Qaar ka Mid ah!!!

Shirkii ka dhacay Minisota ee Faysal Cali Waraabe iyo Cabdiraxmaan Ciro iyo badheedhkii Jaaliyadda Minisota qaarka mida ah, maxaa halkaa ka dhacay?

By: Admin on 03/09/08

Shirkaa oo aay dad faro badani ka soo qayb galeen, ayaa hadana ahaa shirkii ugu buuqa badnaa. Taas oo la isku badheedhay oo hadalo toos ah la isku yidhi oo aan waxba la isula hadhin.

Guddoomiyaha Xisbiga UCID Md. Eng. Faysal Cali Waraabe iyo Guddoomiyaha Baralamanka Jamhuuriyadda Somaliland Mudane. Cabdiraxmaan M Cabdillahi “Ciro”
ahna xubin ka soo baxday Xisbiga UCID ayaa maanta la kulmay jaaliyadda Minisota.

Shirkaas oo aay dad badani ka soo qayb galeen ayaa hadana dhinaca kale ahaa shirkii ugu buuqa badnaa. Taas oo uu ahaa mid la isku badheedhay oo hadalo toos ah la isku tuurtuuray xanaaqna loo yidhi oo aan waxba la iskula hadhin. Kaas oo ka tarjumayay ololaha doorashooyinka foodda inagu soo haya ee Degaanka iyo Madaxtooyada JSL.
Waxa hadalka furay Md. Saciid Budle oo ah Gudoomiyaha Xisbiga UCID ee Minisota kuna soo dhaweeyay mikirifoonka Md. Eng. Faysal Cali Waraabe iyo Guddoomiyaha Baralamanka Md. Cabdiraxmaan M Cabdillaahi - Ciro. Guddoomiyaha Xisbiga UCID Md. Eng. Faysal Cali Waraabe ayaa waxa uu ka waramay wadankii iyo xaladiisa. Faysal kadiba waxa isna halkaas ka hadlay Guddoomiyaha Baarlamaanka Md. Cabdiraxmaan-Ciro oo ka waramay shaqada uu Baaralamanku qabtay iyo waxa hawlihiisa u suurto galay. Isaga oo sharaxaad dheeraad ah ka bixiyay arrimo ay ka mid yihiin habka uu Goluhu u shaqeeyo iyo hawlaha Shirgudoonka.

Intaa ka bacdii waxaa maykarfoonka qabsaday oo xagaa danbe Khudbad lama filaan ah ka jeediyay nin lagu magacaabo Cabdicasis Sheekh. Qudbadaas oo aanu muwaadinkaasu ku soo gelin si u muuqatay in aanay waafaqsanayn habka shirka. Cabdicasis Sheekh oo ka mid ah dhalin yarada Minisota ayaa maykarfoonka qabsaday isaga oo xagaa ka jaadiyay qudbad lama filaan ah. Taas oo uu ku adyadeeyay Md. Eng. Faysal Cali Waraabe. Waxa hadaladiisa naga soo gaadhay in uu lahaa, "Nin aan isba waxba dhaamin nimankan uu had iyo jeer adyadeeyo..... '!


Ka dib isaga oo hadalkiisa sii wata ayaa waxa dhacday in uu Cabdicasis Maxamed Buuba iyo Saciid Budle doneen in ay fadhiisiyaan CabdiCasis Sheekh. taasa oo buuq ka dhalisay shirkii. Ka dibna loo baxay Salaadi Makhrib.
Waxa aan Cabdicasis Sheekh weydiiyey waxa uu ahaa hadalkii laga dhex galay?
Cabdicasis Sheekh: Waxa uu yidhi, "Walaal waxa weeyi. Faysal Cali Waraabe waxa uu ahaa ninkii soo sheegay Urarkii UFO 1982 kii ee uu dhagax tuurku ka dhacay. Maantana waxa uu leeyahay raggii uu soo dagaalamay wadanka ayaa maal iyo hantiba u soo waayey. Waxaba ma furan karaan ee waa in la badalo oo ay ka fadhiistaan siyaasadda Somaliland.

Su’aalo:
Inta ka bacdi shirkii oo dib u bilaabmay ayaa waxa su’aalo waydiiyay dadkii shirka ka soo qayb galay waxaanay u dhacday sidan:

Su’aal: Cisman Saxardiid (Cadaani) oo waydiiyey Md. Faysal. Maxaad u hortaagan tihiin Ururka Qaran iyo Ururada kaleba Haddii ururadaas kale ay rag iyo dumarba doonayaan inay samaystaan dadka Reer Somaliland?.
Jawaab: Faysal Annagu waxaanu cadeynayanaa wakhtigan Xaadirka ah inuu sharcigu sheegayo sadex Xisbi. Md. Faysal Cali Waraabe waxa uu sheegay in dastuurka Somaliland ee dalka u yaala uu tilmaamayo inay Sadex Xisbi oo kaliya ay dalka ka jiri karaan. Halka uu Guddoomiyaha Baralamanka Md. Cabdiraxmaan-Ciro uu ka shaagay in uu distuurku halkaas muran ka jiro oo loo baahan yahay in laga saaro.

Su’aal: Xasan Yoonis to: Guddoomiyaha Baralamanka Md. Cabdiraxmaan-Ciro. Maxaad uga saari weydeen muranka xeerka tirada Asxaabta qeexaya?
Jawaab: Arintaas waxa ku shuqul leh Maxakamadda Sare.

Su’aal: From Nuura. to: Guddoomiyaha Baarlamaanka Md. Cabdiraxmaan-Ciro. Waxa lagaa soo doortay Berbera laakiin waxaad iska fadhiisatay Hargeysa maxa dhacay?
Jawaab: Waanu ku noqonay aniga iyo niman kale oo laga soo dortay Berbera. Waxaanu weydiinay Reer Berbera waxay u baahan yihiin in ay doonayan in loo qabto. Taas oo ay qoraal ku soo gudbiyeen. Marka waxay soo qortaan waxna waanu u qabanay waxna dowladda ayaanu u weydiinay.

Su'aal: From C/casis Badawi. To Guddoomiyaha Xisbiga UCID Md. Eng. Faysal Cali Waraabe. Faysalow. Waxaad maalin dhaweyd siisay VOA wareysi aad iyo aad u xasaasi ah. Taas oo aad sheegtay in nimankan ku jira labada xisbi ee kale aadna u timaadeen inaad baddashaan idinku oo ay ka soo shaqeeyeen Dawladdii Somalia, SNM, tii ilaa Cabdiraxmaan tuur iyo tii Ina Cigaal ( Ilaahay ha uu naxaristo e' ) iyo tan maanta jirta ee Rayaale Kaahin.
Markaa ma waxaad doonaysaa inaad adigu Faysalow badasho nimankan. Waxaan kale oo ku weydiiayay maxaad isugu dari weyday nimanka aad sheegtay maadaama aad adiguba u soo shaqeysay Dowladii Somalia?.

Jawaab: Anigu maan ahayn siyaasi ee waxaan ahaa Enjineer madani ah.

Su'aal From C/asis Badawi. To Eng. Faysal Cali waraabe. Haddii aad tidhaahdan sadexda xisbi qaran ee imika jiraa ragga madaxda ka ah uunba sanad kasta isku soo sharaxaya madaxtinimo oo lala tartami maayo. Sidii ayay ku suurto galaysa in la idin badalo idinkana?
Jawaab: Anigu sanadkan uunba iigu danbaysa oo mar kale u carari maayo doorasho.

Su’aal: From Ibraahim Nuur Madooba. To Guddoomiyaha Baarlamaaanka Md. Cabdiraxmaan-Ciro. Miisaaniyadda ( Budget-ka ) Somaliland Madaxatooyadu waxay codsatay US $ 2.2 million. Sidee bay ku dhacday. Maxayse ku qabtaan lacagtaas?
Jawaab: Walaahi waxay ku baxaan Booliska, Ciidanka iyo Shaqaalaha Dowladda.

Qore: Cabdicasiis Badawi