Kormeerayaasha Waxbarashada Gobolka Togdheer oo Tababar loo Furay

Written by QRN

Dec 04, 2007 at 08:02 PM

Burco (Qaran)-Kormeerayaasha waxbarshada gobolka togdheer ayaa maanta tababar ku saabsan kor u qaadida aqoontooda uga furmay magaalada burco,tababarkan ayaa ujeedadiisu salka ku hayaa sidii kormeerayaashani u noqon lahaayeen tababarayaal(TOT),kuwaasoo tababaro siindoona macalimiinta iyo maamulayaasha degaanka togdheer. Gudoomiyaha wasaarada waxbarshada togdheer Cabdi Axmed Siciid oo furitaankii tababarkaa hadalo kooban ka jeediyay ayaa soo dhoweeyay tababarkan loo furay kormeerayaasha waxbarshada gobolka isagoo tilmaamay inuu ku kalsoonyahay in xubnahani aqoonta ay ka korodhaadaan halkan ay ugu faaiidayndoonaan bahda waxbarshada,maadaama ay yihiin tiirkii waxbarshada gobolka. Waxa gudoomiyuhu u mahad naqay hayada SCF/uk,oo iyagu tababarkan fulinaya isagoo ku tilmaamay inay tahay hooyadii waxbarshada togdheer “Scf/uk.kaalinta ay ka qaadatay horumarka waxbarshada togdheer maaha mid la ilaawi karo”. Mr.Prakash Dutt,oo ah sarkaalka dhinaca waxbarshada ee hayada SCF/UK,oo ka hadlay munaasibadii furitaanka tababarka ayaa sheegay in aqoontu tahay horumarka bulshada,idinkuna(kormeerayaasha) aad tihiin lafdhabarta waxbarshada gobolka,sidaas darteed aad ku fikirtaan sidii waxbarshada aad u gaadhsiin lahaydeen dadka reer guuraaga ah maadaama bulshadiinu u badan yahay xoolo dhaqato.Waxa kaloo intaa ku daray, Mr,Prakash in marka aad tababarkan dhamaysataan laydinka rajaynayo in aqoontii aad ka korodhsateen ku dabaqdaan tababarada aad siindoontaan macalimiinta iyo maamulayaasha dugsiyada waxbarshada gobolka oo ay ka muuqato “Waxaan rajaynayaa in aqoontaad barataan ay ka muuqandoonto maclimiintaad tababaridoontaan”. Sidoo kale Cabdi Ducaale iyo Aadan geeljire oo ka mid Saraakiisha Hayada SCF/uk ayaa iyaguna goobta ka cadeeyaya in kormeerayaashan loo tababarayo inay noqdaan kuwo iyagu tababaridoona macalimiinta waxbarshada gobolka,waxay kaloo xuseen saraakiishani in tababarkani socondoono mudo sideed cisho ah,islamrkaana dabagal iyo kormeer lagu samayndoono sida hawluhu u fuleen. Hayada SCF/UK oo wada shaqayni ka dhaxeyso Wasarada waxbarshada togdheer ayaa tababaro siisa macalimiinta iyo maamulayaasha dugsiyada waxbarshada gobolka kuwaasoo kor loogu qaadayo tayada iyo aqoontooda waxbarsho,SCF/UK,oo ilaa sanadkii 2001 ka hawlgalaysay dhinaca waxbarshada ee togdheer ayaa dibudhis iyo qalabeyn ku samaysay goobaha waxbarshada ee degaanka togdheer. Kayse Ahmed Digaale Burco